Претседателот на Барселона, Жоан Лапорта ја обвини Ла Лига дека се обидува да го дестабилизира неговиот фудбалски клуб, откако се тврди дека немаат капацитет да ги регистрираат Дани Олмо и Пау Виктор. Барселона можеше да го пререгистрира дуото во јануари благодарение на приходите од продажбата на ВИП кутии од 84 милиони фунти на Камп Ноу по жалбата до Високиот совет за спорт (ЦСД).

Но, Ла Лига во соопштението во средата рече дека оваа трансакција не се појавила на сметките на Барселона за првата половина од сезоната, што значи дека тие, во согласност со правилата на лигата, немаат средства да ги регистрираат Олмо и Виктор.

Високиот спортски совет (ЦСД) ќе ја разгледа одлуката за пријавување на двајцата играчи најдоцна до 7 април, постои можност истата да биде поништена и Дани Олмо и Пау Виктор да не можат да играат до крајот на сезоната.

– Ќе одговориме на Ла Лига! Тие ги напаѓаат нашите интереси. Тие ја одобрија регистрацијата на Пау Виктор и Олмо и сега се премислија. Зошто? Дали тие направија лоша работа од почетокот кога ги дозволија трансакциите?

Имам чувство дека ова не е случајно. Денеска играме против Атлетико Мадрид, продолжувањето на контроверзноста не може да биде случајност. Тоа е уште еден обид да се дестабилизира нашиот тим. Понекогаш имам чувство дека кога не можат да нѐ победат на теренот, се обидуваат да го направат тоа во канцелариите. Како претседател нема да го дозволам тоа, ќе го бранам клубот – се зборовите на Лапорта.