Шпанската Ла Лига и официјално го суспендираше фудбалерот на Реал Мадрид, Џуд Белингам кој ќе го пропушти наредните два натпревари на гигантот од Мадрид во првенството.

Белингам заработи црвен картон во ремито против Осасуна поради приговор кон судијата, а по натпреварот тврдеше дека судијата не го разбрал и тој не го навредил. Сепак, Ла Лига му исрече суспензија од два натпревари.

Така Белингам нема да биде во составот на „кралевите“ за натпреварите со Џирона во Мадрид и Бетис во Севиља.

Реал Мадрид најави и жалба на оваа одлука, но засега не изгледа дека нешто може да се промени.