Денеска во 27 коло од најсилното шпанско првенство фудбалерите на Атлетико Мадрид загубија на гостувањето кај Хетафе со 2:1.

После првото полувреме немаше погодоци, до првиот гол чекавме до 75 минута „јорганџиите“ поведоа од пенал кој го реализираше Сорлот.

Во 88 минута гостите останаа со играч помалку поради црвениот картон на Кореја.

Ваквата предноста на теренот ја искористија домаќините за целосен пресврт, веднаш следуваше израмнувањето преку Арамбари, а истиот фудбалер во судиското надополнување (90+2`) го постави конечниот епилог.

На табелата Атлетико останува на второто место со 56 бодови, еден помалку од водечката Барселона, со напомена дека каталонскиот клуб има меч помалку.

Хетафе после осмата победа сезонава во Ла Лига е на 11 место со 33 бодови.