Кошаркарската репрезентација на Македонија во квалификациите за пласман на Светското првенство 2023 година ќе игра против селекците на Шпанија, Грузија и Украина, одлучено е денеска на жрепката која се одржа во седиштето на Светската кошаркарска федерација (ФИБА).

Избраниците на селекторот Драган Бајиќ успешно ги помина претквалификациите кои се одржаа во Скопје и во главните квалификации ќе играат против актуелниот светски шампион Шпанија, а во групата Г се наоѓаат уште и Украина и Грузија кои се добро познати ривали од минатото, но од квалификациите за ЕП и со кои кошаркарите ќе се борат за освојување на едно од првите три места кои носат пласман во вториот дел од квалификациите.

Квалификациите за пласман на Мундобаскетот 2023 кој ќе се одржи во Јапонија, Индонезија и Филипини ќе имаат две фази.
Во вториот дел од квалификациите ќе бидат создадени нови четири групи од по шест селекции од кои трите најдобри од секоја група ќе обезбедат пласман на Светското првенство кое ќе се одржи во Филипини, Јапонија и Индонезија.

Првиот циклус на кој ќе се одиграат два натпревари е од 22 до 30 ноември оваа година. Од 21 февруари до 1 март 2022 година ќе се одиграат уште два натпревари, а првиот круг од квалификациите ќе заврши во терминот од 27 јуни до 5 јули 2022 годиа.
Вториот дел од квалификациите ќе започне во периодот од 22 до 30 август, потоа следуваат два натпревари во период од 7 до 15 ноември 2022 година, а последните натпревари ќе се одиграат од 20 до 28 февруари 2023 година.

Група А: Србија, Летонија, Белгија, Словачка
Група Б: Грција, Турција, Велика Британија, Белорусија
Група Ц: Словенија, Хрватска, Финска, Шведска
Група Д: Германија, Полска, Израел, Естонија
Група Е: Франција, Црна Гора, Унгарија, Португалија
Група Ф: Литванија, Чешка, БиХ, Бугарија
Група Г: Шпанија, Украина, Грузија, МАКЕДОНИЈА
Група Х: Италија, Русија, Холандија, Исланд