Кошаркарот на Црвена звезда, Огњен Кузмиќ е успешно опериран, откако пред три дена доживеа тешка сообраќајна несреќа во Република Српска. Хируршкиот зафат беше изведен за да се санираат фацијалните повреди, операцијата на горната и долната вилица била успешна, по што Кузмиќ повторно ќе може нормално да дише.

„КК Црвена Звезда известува дека оперативниот зафат на кој беше подложен Кузмиќ е успешен. Со операцијата се отстранети тешки максилофацијални повреди кои Огнен ги заработи во тешката сообраќајна несреќа во неделата наутро. Операцијата беше неопходна, за долната вилица и останатите повреди на лицето да се вратат во анатомска позиција, со што е овозможено Огнен повторно нормално да дише. Состојбата на Огњен Кузмиќ е стабилна и се наоѓа во вештачка кома“, стои во соопштението на Црвена Звезда.