Голманот Тибо Куртоа (32) е во белгиската фудбалска репрезентација за прв пат по 22 месеци. Членот на Реал Мадрид нема играно занационалниот тим од јуни 2023 година, кога влезе во конфликт со тогашниот селектор Доменико Тедеско околу капитенската функција, но се врати откако Тедеско беше отпуштен и Руди Гарсија беше назначен во јануари оваа година.

Неговото враќање во репрезентацијата ја подели белгиската јавност. Коен Кастелс, кој беше прв голман на Белгија во последните две години, ја напушти репрезентацијата во знак на протест.

– Оваа порака не е толку насочена кон Тибо, туку главно кон фудбалската асоцијација. Ова не се вклопува во стандардите и вредностите што ги имам за тоа што треба да биде тимски спорт или спортска организација – рече Кастелс.

Куртоа им се обрати на медиумите по враќањето во репрезентацијата:

– Го разбирам Кастелс бидејќи тој беше број 1, не е удобно да го препушти тој статус. Никогаш не сум имал проблем со одредени играчи или групи, фактот дека сум тука повторно тука, покажува дека проблемот беше во една личност. Федерацијата ме сакаше да се врати од почетокот и сега одлучив да одговорам на тоа. Јас не знам за што зборува Кастелс, ако сакате да кажете нешто, тогаш треба да кажете сè – рече Куртоа.

Потсетување дека Белгија е еден од противниците на Македонија во квалифиакциите за СП 2026.