Курти: Косово лидер во Западен Балкан по економски раст и владеење на правото
![](https://www.slobodenpecat.mk/wp-content/uploads/2023/03/DSC_6468.jpg)
Косовскиот премиер Албин Курти изјави дека Косово води меѓу земјите од Западен Балкан во однос на економскиот развој и владеењето на правото, нагласувајќи дека во последните години тоа зајакнало во многу области.
Курти во вторникот на Самитот „Балкански држави 2024“ изјави дека Косово е позиционирано за раст во иднина, а напредокот е означен со странски директни инвестиции во секторот култура, спорт, здравство и образование.
„Косово води со економски раст и владеење на правото на Западен Балкан. Се очекува да има зголемување на инвестициите…Косово има многу да и понуди на Европската Унија за безбедност и партнерство, преку зајакнување на демократијата, економскиот развој и може да создаде регион кој е развиен и цути“ , изјави Курти.
Косовскиот премиер Курти додаде дека главниот предизвик за земјите од Западен Балкан е да ги надминат историските предрасуди, но како што рече, овие земји докажале дека можат да постигнат помирување и дијалог.
„Заедниците во Косово се здружуваат за да изградат добра иднина и овој дух на соработка ќе продолжи да цвета. Косово е позиционирано за раст во иднина“, рече тој.