Денеска екипата на Голден Арт во првиот елиминациски натпревар од ракометниот Куп на Македонија убедливо го совлада РК Аеродром со 37:27 (20:12) за пласман меѓу најдобрите 16 во ова натпреварување.

Контролата над мечот ја имаа играчите на РК Голден Арт во текот на сите 60 минути и одржуваа разлика од најмалку три погодици.

Во 40 минута РК Голден Арт ја направи првата најголема разлика од 10 гола. И покрај големите можности за реализација од контра напад, многу топки на РК Голден Арт не завршија во противничкиот гол.

Еден од најзаслужните за победата беше поранешниот репрезентативен голман Златко Даскалоски кој на својот 39 роденден имаше одлична партија со 15 одбрани.

Од стрелците Дејан Гошевски запиша осум голови, а два помалку Марио Миланов.

Во другите досегашни елиминациски мечеви: Астраион Хендбол – Струга 18:25, МРК Борец – РК Пролет 11:49, РК Прилеп – РК Јехона 40:18, МРК Куманово – РК Текстилец 28:21.