Еден од најпознатите актери, најдинамичните и најпопуларните стендап комичари, пионер на овој сценски жанр во Македонија, Сашко Коцев, денес полни 43 години. Роден е на 28 ноември 1981 година, а малкумина знаат дека неговиот роден град не е Куманово туку Љубљана, Словенија.

Детството го поминал во Куманово, а потоа се преселил во Скопје каде дипломирал на Универзитетот „Св. Кирил и Методиј“ на Факултетот за драмски уметности, на отсекот за актерска игра, а од 2006 г. работи во Македонски народен театар – Скопје.

Покрај стендапот кој му е пасија, Сашко има одиграно голем број на театарски претстави, глумено во голем број филмови и ТВ серии, а често се појавува и како водител на многу манифестации и маркетинг реклами.

Има освоено голем број на награди и признанија меѓу кои се:

Лауреат на МТФ Денови на комедија „Васил Иљоски“ – Куманово, 2024, награда за најдобар актер во краткометражниот филм „Налепница“ – Португалија, 2021, награда за најдобар актер во краткометражниот филм „Налепница“ на Галичник Филм Фестивал 2021, награда за најдобар актер на МТФ „Војдан Чернодрински“ – Прилеп, 2018 г. за улогата на Чики во претставата „Ничија земја“, награда „Стенд-ап суперстар во Македонија“ на Стенд-ап Адриа, 2014 г., и многу други.

Во брак е со Сиљана, а од љубовта која трае повеќе од една  деценија, ја имаат ќеркичката Јоана.

Среќен роденден Сашко!

ВИДЕО | Сашко Коцев: Смиљана не памети делови од запросувањето на „Бубамара“, тогаш ѝ се случи блок

ВИДЕО | Никогаш не сум уживал во ништо што е добро: Сашко Коцев откри како „Златна Бубамара“ му помогнала во животот