Либералната партија (ФДП) го предложи Прпарим Авдили, кој е по потекло од Куманово, за кандидат за градоначалник на швајцарскиот град Цирих.

Авдили ја соопшти информацијата на Фејсбук, а се осврна и на своето потекло, нагласувајќи дека неговото семејство има корени од Куманово, но дека неговиот живот се врзал за Швајцарија, каде што е израснат.

– Израснав во Цирих како дете на семејство со мигрантско потекло. Моето образование го стекнав во населбите Алтштетен и Албисриден, а и денес останав близок со моето маало – сè уште играм фудбал со другарите од детството. Цврсто сум поврзан со овој град и секојдневно го живеам со страст она што го правам – напиша тој.