Полицијата поднесе кривична пријава против жител на Куманово кој чувал два елена во својата штала во селото Тромеѓа, соопшти МВР.

„СВР Куманово поднесе кривична пријава против Н.Ј.(24) од Куманово, поради постоење основи на сомнение за сторено кривично дело неовластено ловење, чување и оттуѓување диви животни и птици. Пријавениот, од непознато место и лице набавил два еленa од видот лопатар, кои ги сместил во штала во неговиот двор во селото Тромеѓа, иако не биле исполнети условите кон животните утврдени со закон и без одобрение и дозвола за чување на таков вид дивеч од Министерството за земјоделство, шумарство и водостопанство. Не биле исполнети и потребните услови за чување и одгледување на таков вид диви животни“, пишува во полицискиот билтен.