Како што пренесуваат хрватските медиуми, досегашниот десен бек на Вардар 1961 Куни Моралес би можел од следната сезона да ги брани боите на ППД Загреб.

Во својата кариера Моралес настапуваше за Порто, Аванка, Мадеира, Иври и Данкерк.

Покрај Кубанецот, хрватскиот шампион планира да го ангажира и црногорскиот пивот од словенечкиот клуб Требње Миодраг Чорсовиќ.

– Мислам дека така би ја пополниле сликата на Загреб за следната сезона – рече новиот спортски директор, Дамир Бичаниќ.

Што се однесува до долгорочниот план, според Бичаниќ желбата на клубот е да се врати таму каде што заслужува да биде.

– Желбата е да се биде дел од Фајнал-фор турнирот во Лигата на шампионите или барем да биде што е можно поблиску до тоа. За жал, додека не се најде квалитетно решение за подобро финансирање на речиси сите спортски клубови во Хрватска, тешко ни е да се носиме со противници кои имаат три или четири пати поголеми буџети – вели Бичаниќ.