Ужасен случај на крваво насилство ја потресе денеска Албанија – 40-годишниот Роланд Синани со пиштол ја убил својата снаа од брат Миѓена Синани, мајка на две деца, додека таа спиела во својата соба, а потоа се застрелал самиот себери во дворот на семејниот дом, пренесе „Вокс њуз“.

Бруталното убиство се случило во Шкоза, населба во главниот град Тирана.

Според полицијата, таткото на убиецот, кој бил стар и болувал од деменција, кога синот се застрелал, отишол кај него, му го зел пиштолот од рака и го фрлил неколку метри подалеку. Полицијата истражува наводно учество на трето лице во крвавиот инцидент.

Пред да го изврши стравичниот чин, Роланд бил пресретнат од неговата мајка, која го молела да го остави оружјето, а потоа отишла во собата и се подготвувала да легне, кога слушнала два истрела и вресок и истрчала до собата на снаата, каде го затекнала двегодишното девојче, нејзината внука, како плаче покрај мртвата мајка.

Полицијата засега не открива повеќе детали за мотивот за ужасното убиство, кое се случило рано утрово околу 4 часот.