Опозицискиот активист Владимир Кара-Мурза доби 25 години затворска казна за предавство и други кривични дела поврзани со неговите критики за војната во Украина, пренесе Би-Би-Си.

Кара-Мурза, поранешен новинар и политичар, е еден од бројните критичари на Путин кои се затворени или принудени да ја напуштат Русија последниов период.

„Не само што не жалам за ништо од ова, туку сум горд“, изјави тој пред судот во Москва.

Кара-Мурза имаше и голема улога во убедувањето на Западот да воведе санкции за руски функционери поради нивната улога во кршењето на човековите права и корупцијата.