Кремаста Алфредо-паста со пилешко: Најдобриот италијански рецепт
Алфредо-паста е за многумина класично италијанско јадење, исто како шпагетите или равиолите. Вкусната паста е лесна за подготовка и затоа ја мешаат со своите омилени јадења, а постои и одлична приказна за тоа како настанала.
Препорачано
Алфредо-пастата е производ на еден вљубен готвач и сопственик на ресторан во Рим, Алфредо ди Лелио, кој се обидувал на секој начин да ѝ помогне на бремената сопруга да го врати апетитот. Првото нешто што му паднало напамет било да додаде малку пармезан во традиционалното јадење тестенини со путер. И се покажало дека тој го пронашол токму она што ѝ се допаднало.
Потоа малку го усовршил јадењето и го послужил во ресторанот во 1914 година. Кога им ги препорачал своите тестенини на американските филмски ѕвезди што биле негови гости во 1920 година, тие ги пренеле своите впечатоци од јадењето на својот континент и Алфредо-пастата станала прочуена.
Автентичната Алфредо-паста се подготвува многу едноставно и вклучува само 3 состојки – свежо рендан пармезан, путер и тестенини.
Со текот на времето, рецептот се променил, а се задржал оној со пилешкото месо.
Состојки:
– 400 грама тестенини (таљатели)
– 600 грама пилешки гради
– 1 лажица путер или маргарин
– оригано
– босилек
– сол
– бибер
– магдонос
– пармезан
За сосот:
– 2 лажици путер или маргарин
– 4 чешниња лук
– 3 лажици брашно
– 450 милилитри млеко
– оригано
– босилек
– пармезан
– сол
– бибер
Подготовка:
Сварете ги тестенините според упатствата на пакувањето. Растопете го путерот на средна температура, па додајте ги исечканите пилешки гради. Зачинете ги со сол, бибер, оригано и босилек. Пржете 8-10 минути додека пилешкото не биде готово. Извадете го од тавчето.
Во истото тавче направете го сосот. Повторно ставете путер, па додајте иситнет лук. Пржете додека не омекне. Додајте половина од брашното, измешајте, па додајте ја и другата половина. Постепено додавајте млеко со постојано мешање додека не почне сосот да се згуснува. Додајте сол, бибер, оригано и босилек, па измешајте. Ставете пармезан и мешајте додека не се стопи. Сварените тестенини прелијте ги со сосот, додајте го пилешкото и добро промешајте. Наросете со магдонос и пармезан и послужете ги топли.
