Реал Мадрид во јануари би можел да добије големо засилување, откако „Радио Марка“ пренесува дека Мауро Икарди, сегашниот напаѓач на Галатасарај е пред преселба во редовите на шпанскиот фудбалски гигант.

Ова не е прв пат 30-годишниот Аргентинец да се поврзува со трансфер во редовите на „кралскиот“ клуб.

Изворот воедно информира дека Икарди на „Сантјаго Бернабеу“ би заработувал осум милиони евра годишно.

До сега оваа сезона во најсилното турско првенство запиша 12 голови и пет асистенции. Во Лигата на шампионите два пати беше стрелец против Баерн и Манчестер сити, но не успеа да му помогне на тимот да биде во нокаут-фазата.

? From Turkey they say that Mauro Icardi will sign for Real Madrid in January.

(Source: @RadioMARCA) pic.twitter.com/Du8u9wWoGm

— Transfer News Live (@DeadlineDayLive) December 19, 2023

Галата ќе продолжи во Лигата на Европа каде во плеј-офот за пласман во осминафиналето ќе игра против Спарта Прага од Чешка.

Вредноста на Икарди моментно се проценува на 20 милиони евра. Во 51 меч за Галатасарај постигна вкупно 40 голови. Во професионалната кариера настапуваше и за Сампдорија, Интер и ПСЖ.