Кралот Чарлс Трети, монархот на Велика Британија, претрпел несакани ефекти од лекувањето на ракот, што доведе до итна хоспитализација, потврди Бакингемската палата.

Кралот (76) бил примен во болница поради привремени несакани ефекти од лекувањето, но веќе е во својот дом, Кларенс Хаус, откако поминал одредено време под медицински надзор.

Иако кралот ги претрпе овие привремени тешкотии, Бакингемската палата нагласи дека неговото закрепнување е во тек и дека неговите здравствени проблеми се под контрола. Кралот Чарлс привремено се повлече од голем број јавни ангажмани, додека закрепнува и продолжува со лекувањето.

Кралскиот експерт Хуго Викерс, кој ги виде кралот и кралицата Камила во вторникот, истакна дека и покрај видливиот замор, кралот сè уште покажува виталност.

-Иако изгледа постар во изминатата година, кралот е исклучително внимателен и витален. Тој истакна дека кралот продолжува да ужива во својот нов кралски ангажман и дека неговата посветеност на должностите е очигледна“, изјавил Хуго, пренесува „Сан“.

Кралот Чарлс започна со лекување на ракот во јануари минатата година, откако тестовите го открија ракот при рутински преглед. Лекувањето трае повеќе од една година, а според информациите од Бакингемската палата, ракот во моментов е под контрола, но бара постојана медицинска помош.

Од палатата додаваат дека несаканите ефекти од лекувањето се привремени и дека кралот сега е во добра здравствена состојба.