Британскиот крал Чарлс Трети за време на денешниот заеднички јавен настап со својот син Вилијам во Хемпшир откри нови детали за неговата здравствена состојба.

Монархот разговараше со ветеранот на британската армија Арон Мејплбек, кој се борел со рак на тестисите. Чарлс Трети боледува од рак, а видот на ракот сè уште не е откриен на јавноста. За неговата дијагноза јавноста дозна пред повеќе од три месеци. На 26 јануари британскиот крал имаше операција во болница во Лондон поради бенигно зголемување на простатата, пишува „Дејли мејл“.

Ветеранот од британската армија му рекол на кралот Чарлс дека минатата година бил подложен на хемотерапија поради опасна болест и дека поради тоа го изгубил сетилото за вкус. Монархот додаде дека тоа му се случило и нему. Средбата се одржа за време на посетата на Армискиот летечки музеј.

Бакингемската палата сè уште не ги потврдила деталите за третманот на кралот Чарлс, кој денеска се сретна со семејствата на војниците. Монархот неодамна се врати на јавните обврски откако лекарите оценија дека лекувањето дава добри резултати, па затоа се оптимисти за понатамошната терапија.ж

Инаку, монархот денеска имаше заеднички официјален ангажман со својот син, прв откако монархот беше опериран во јануари поради бенигно зголемување на простатата и прв откако Бакингемската палата на 5 февруари објави дека монархот има рак. Заедничкиот јавен настап што го најавија следи по турнејата на Хари низ Нигерија со Меган Маркл минатиот викенд.

Чарлс Трети пристигна со хеликоптер на посебна церемонија со принцот Вилијам, каде официјално ќе ја предаде командата на поранешниот полк на принцот Хари, кој неодамна беше во Лондон. Монархот ќе му ја додели престижната позиција на командант на воздухопловните сили на неговиот престолонаследник Вилијам во центарот на воздухопловните сили во Хемпшир.

Вилијам ќе го претставува воздушното крило на армијата, вклучувајќи ја и поранешната единица на неговиот брат Хари, 662 ескадрила. Војводата од Сасекс служеше во полкот како пилот на хеликоптер Апачи во Авганистан и многумина мислеа дека тој ќе ја преземе таа улога додека не донесе одлука да се повлече од службените должности во британската монархија, заедно со неговата сопруга Меган Маркл, во 2020 година.

Денешното префрлање на чинот се смета како дополнителен „шлаканица“ за Хари и израз на растечкото обединување на кралот и престолонаследникот. Откако Чарлс Трети одбил да се види со својот помлад син во Лондон, се коментирало дека тој дополнително застанал на страната на постариот син кој, како што велат многу извори, не сака да му прости на својот брат за бројните јавни семејни работи и навреди.

Хари претходно се понуди да застане за кралот во јавните ангажмани пред Чарлс Трети да се врати на јавните должности неодамна. Тоа барање не беше спроведено, а Вилијам наводно имал клучна улога во тоа.

ВИДЕО | Се шири снимка на интернет: Меган Маркл избрка жена која сакаше да застане до принцот Хари