Денеска продолжи Светското фудбалско првенство во женска сениорска конкуренција со натпреварите од осминафиналната фаза.

Ќе добиеме нов шампион откако репрезентацијата на САД предводена од македонскиот тренер Влатко Андоновски загубија од Шведска со 5:4 на пенали, немаше голови по регуларните 90 минути и двете продолженија.

Противник на Швеѓанките во следната фаза ќе биде Јапонија која со 3:1 ја елиминираше Норвешка.

Позната е уште една четвртфинална двојка, Шпанија ќе ги одмери силите против Холандија.

Останатите четвртфинални мечеви на Мундијалот ќе се дознаат по одигрувањето на другите осминафинални натпревари: Австралија – Данска, Франција – Мароко, Англија – Нигерија и Колумбија – Јамајка.