Драган Стојковиќ Пикси ќе остане на кормилото на репрезентацијата на Србија, потврди генералниот секретар на ФСС, Бранко Радујко.

Во јавноста во последните денови актуелни беа шпекулации околу иднината на Пикси кој се поврзуваше со заминување поради богата азиска понуда, но тоа нема да се случи во блиска иднина.

„Разговаравме со Драган Стојковиќ и уште еднаш потврдивме дека тој останува селектор на „А“ репрезентцијата. Понудите се составен дел од тренерската работа, исто како што секоја сериозна организација има брзи решенија во случај на промени. Не сакаме да се занимаваме со шпекулации, туку работиме конкретно“, изјави Радујко.

Пикси летово пред Европското првенство во Германија кое Србија го заврши со елиминација во групната фаза потпиша нов договор со важност до 2026 година.