Бразилската манекенка Жизел Бундешен и американскиот рагбист Том Брејди се разведуваат, објавија американските медиуми. Како што се шпекулираше досега, славната двојка живее одвоено веќе неколку месеци, но се чини дека не успеале да најдат решение за проблемите во нивниот однос.

„Никогаш не мислев дека оваа кавга ќе биде причина за крај на нивниот брак, но изгледа дека е така. Мислам дека сега нема да има враќање назад. И двајцата имаат адвокати и веќе ги разгледуваат сите аспекти од оваа разделба, кој што ќе добие и како ќе ги поделат финансиите“, сподели близок извор до парот за „Пејџ сикс“.

Брејди зборуваше за проблемите во бракот уште во 2020 година. Тогаш, тој сподели дека Жизел не била задоволна од нивниот брак и дека не била задоволна од тоа колку внимание посветувал на рагбито и деловните зделки, додека таа е оставена да се грижи за децата.

Бундшен и Брејди се венчаа во Санта Моника, Калифорнија, на 26 февруари 2009 година. Тие се родители на 12-годишниот син Бенџамин и 9-годишната ќерка Вивијан, а Брејди го има и 15-годишниот син Џек со поранешната партнерка.