Крај на една ера: Бензема дефинитивно го напушта Реал Мадрид
Францускиот фудбалер Карим Бензема по 14 години го напушта Реал Мадрид и кариерата ќе ја продолжи во Саудиска Арабија.
Препорачано
Деталите не се потврдени, но според објавите на шпанските медиуми станува збор за договор со Ал Итихад за 100 милиони евра по сезона.
Бензема во средата имал состанок со тренерот Карло Анчелоти на кој го известил за своите планови, а во клубот немале намера да му прават проблеми.
BREAKING: Karim Benzema will leave Real Madrid this summer after 14 seasons and 24 trophies to join the Saudi Pro League, per multiple reports ? pic.twitter.com/vp79iAaHnM
— B/R Football (@brfootball) June 1, 2023
Понудата од Ал Итихад, Бензема ја добил пред неколку недели, меѓутоа му требало време и дефинтиивно да одлучи. Бензема во Реал Мадрид пристигна во 2009 година и со 353 гола на 647 натпревари е на второто место на најдобрите стрелци во историјата на Реал Мадрид, пред него е само Кристијано Роналдо.
Со „кралевите“ успеа да освои пет титули во Лигата на шампионите, четири во Ла Лига и три трофеи во Копа Дел Реј.
Денес претходно, тренерот на ПСЖ, Кристоф Галтие го потврди и заминувањето на Меси од Пари Сен Жермен. Новиот клуб на Меси засега не е познато, а Аргентинецот има понуда од Ал Ахли исто така од Саудиска Арабија.
