Крај на една ера во светската мода… Ана Винтур ја напушта својата уредничка позиција во американскиот „Вог“, кој го уредува уште од 1988 година. Шокантната одлука на највлијателната жена на модната сцена остави многумина во неверица, бидејќи се сомневаат дека има некој да ја замени, пренесуваат странските медиуми.

Оваа година, 2025 година, дефинитивно е година на големи промени во светската мода. Најпрво Донатела Версаче се повлече од функцијата шеф на модната куќа „Версаче“, а сега Ана Винтур прави шокантен потег.

Таа денес им соопшти на вработените дека ќе бара нов раководител на уредничкиот дел за содржини за американскиот „Вог“. Винтур ќе продолжи да биде глобален главен уредник за содржини за издавачката куќа „Конде Наст“ и глобален уреднички директор на „Вог“.

Како главен уредник за содржини, Винтур ги надгледува следните списанија низ целиот свет: „Вајерд“, „Венити фер“, „Џи-кју“, „Конде Наст травелер“, „Гламур“ и други.

На мрежата Икс велат дека одлуката на Ана Винтур е крај на една ера и дека верувале дека нешто такво никогаш нема да се случи, иако секако било неизбежно.

Ана Винтур првпат стана креативен директор на американскиот „Вог“ во 1983 година, беше главен уредник на британското издание на модната библија од 1985 до 1987 година, а потоа повторно се приклучи на американскиот „Вог“. Во 1988 година, Винтур ја презеде позицијата главен уредник на „Вог“ и беше одговорна за целосната трансформација на познатото модно списание. Таа е првата жена и на Мет Гала, најважниот моден настан во годината.

Таа го промени светот на модата, но направи и контроверзни потези како што е одлуката Ким Кардашијан и Канје Вест да бидат на насловната страница на „Вог“ кога се сметаа за исклучително несоодветни имиња за таа позиција. Се покажа дека Ана е иновативна и дека гледа подалеку од другите бидејќи ТВ ѕвездата и дизајнерката се меѓу највлијателните луѓе во модата денес. Неодамна, таа ја постави најдобрата пријателка на нејзината ќерка, Би Шејфер, на чело на „Венити фер“, па затоа е обвинета за непотизам.

Замената на Винтур сè уште не е именувана.

ФОТО | Ана Винтур застана пред кралот Чарлс и конечно ги симна очилата: Сите со неверување гледаа во лицето на најопасната жена во светот на модата