По две децении на највисоко ниво, легендарното лево крило Тимур Дибиров стави крај на својата блескава ракометна кариера. Рускиот интернационалец, кој најголемиот дел од својата европска приказна ја испиша токму во Македонија со Вардар, се прости од спортот со емотивна порака.

„Пријатели, ова беше последен натпревар во мојата кариера, на малото момче кое сонуваше да игра ракомет со своите другари и ништо повеќе од тоа. Благодарност до моето семејство, сопругата, децата, родителите… кои ме поддржуваа, моите клубови, репрезентацијат и соиграчите, тие се најдобри на светот. Ќе ми недостасуваш, ракомету“, напиша Дибиров на социјалните мрежи.

Дибиров важи за еден од најдобрите странци кои некогаш настапувале во македонскиот шампионат и е вистинска икона за навивачите на Вардар. Со „црвено-црните“ освои две титули во Лигата на шампионите (2017 и 2019), бројни домашни трофеи и остави неизбришлива трага со својот харизматичен настап и несопирлив стил на игра.

Неговата порака ја обиколи Европа, а фановите, соиграчите и спортската јавност со голема почит му оддаваат признание за сето она што го направи на терените.

Иако повеќе нема да го гледаме во дресот на омилените тимови, името на Тимур Дибиров ќе остане симбол на страст, пожртвуваност и љубов кон ракометот.

 

View this post on Instagram

 

A post shared by Timur Dibirov (@timurdibirov31)