Во близина на индустриската зона кај село Раброво, валандовско, вчера во 09:10 часот полицијата го уапсила 31-годишниот А.Х. од Струмица, кој бил осомничен дека еден час претходно се обидел да изврши кражба во една од куќите во селото, откако бил забележан од сопственикот, побегнал.

Струмичанецот А.Х. бил запрен управувајќи „шкода“ со неготински регистарски ознаки, кое претходно било пријавено за украдено во Неготино, информираат од полицијата.

Оттаму додаваат дека возилото ќе биде вратено на сопственикот, а за настанот е запознаен јавен обвинител од ОЈО Гевгелија и по документирање на случаите против уапсениот ќе бидат поднесени соодветни пријави.