Кражбите на бронзени бисти од гробови во „Бутел“, кои се случуваа од почетокот на годинава, во текот на летните месеци се проретчија, ако се гледа според тоа колку од нив беа пријавени. Но, кражби летово сепак имало, а роднините на починатите на чии гробови биле истакнати дури сега забележале.

„На 08.09.2025 во 10:00 часот во СВР Скопје, А.Ј.(53) од Скопје пријавил дека во периодот од 07.06. до 06.09.2025 од гробно место на Градските гробишта Бутел, со употреба на физичка сила и погоден предмет биле одземени две бронзени бисти. Се преземаат мерки за расчистување на случајот“, пишува во полицискиот билтен.

Полицијата досега не фати ниту еден од крадците на бисти од „Бутел“ во десетиците регистрирани случаи годинава. Бронзата има добра цена како секундарна сировина и тоа ги мотивира арамиите да продолжат буквално да ти топат.