По серијата кражби на бронзени бисти од гробни места на главните скопски гробишта – „Бутел“ во изминатите месеци, би било вистинско чудо доколку таму останала уште некоја биста за крадење. За тоа сведочи и новата информација од полицијата, во која се вели дека крадците на бронза почнале да „оперираат“ и по гробиштата во скопските населби.

„На 04.06.2025 во 11.:0 часот во СВР Скопје е пријавено дека во периодот од 02.11.2024 до 04.06.2025 со употреба на физичка сила и погоден алат од гробиштата во населба Драчево е одземена биста со лик од починато лице. Се преземаат мерки за расчистување на случајот“, велат од МВР.

Во последните неколку месеци имаше барем десетина случаи на украдени бисти од гробишта, а засега нема трага од крадците.