Познат е и вториот финалист на машкиот кошаркарски Куп „Благоја Георгиевски – Буштур“ кој се одржува во Гевгелија.

Домаќинот Кожув успеа во полуфиналната фаза да го совлада тимот на Гостивар со 91:72 (23:20, 27:6, 24:27, 17:19).

Како клучна се покажа втората четвртина која домашните играчи ја добија со убедливи 27:6.

Кај стрелците во победничката екипа најефикасен беше српскиот интернационалец Стевановиќ со 34 поени, запишувајќи и седум скокови.

За поразениот состав се истакна Митевски со 15 поени и пет асистенции.

Противник на Кожув во големото куп финале за трофејот ќе биде МЗТ Скопје Аеродром кој претходно го елиминираше битолски Пелистер.