Премиерот Димитар Ковачевски ја осуди како несоодветна едноетничката прислава на кичевскиот градоначалник Фатмир Дехари и му порача дека треба да биде градоначалник на сите коишто живеат во таа општина и да слави со сите. Дехари минатата недела прославо 10 години од „албанското“ владеење со Кичево, а на прославата присутвуваа сите функционери на ДУИ на чело со лидерот Али Ахмети.

„Сум кажал и тоа е така, Ссеверна Македонија е мултиетничка држава, мултирелигиозна а идржава во која граѓанските права се на највисоко ниво споредени со сите држави во регионот и во Европа. бидедејќи врз основа на Рамковниот договор имаме изграденои уставно и законско уредување во коешто секој граѓанин без разлика на неговата етничка или било каква друга припадност има пристап до сите права коишто ги има секој граѓанин во државата“, рече Ковачевски прашан за едноетничката прослава на Дехари.

Премиерот додаде дека функционираат институции кои ги штитат и унапредуваат тие права, дека имаме   Министерство за политички систем и односи меѓу заедниците, институции коишто се грижат за унапредување на јазиците на помалите заедници во државата.

„Секој чекор којшто ги нарушува овие принципи на функционирање на државата јас го осудувам. Исто така сметам дека тоа што се случуваше во Кичево е несоодветно, бидејќи градоначалникот Дехари е почитуван, тој неколку пати е биран за градоначалник и го избрале не само граѓани од една етничка заедница, туку од сите етнички заедници и тој е грдаоначалник на сите коишто живеат во Општина Кичево, исто како што секој друг градоначалник во државата е градоначалник на сите други, како што во Чучер Сандево е градоначалник на сите, како што во Струмица е градоначалник на сите… Ако се прават прослави треба да се прават прослави за сите коишто живеат во таа општина – рече Ковачевски.