Ковачевски: Ги започнуваме преговорите со ЕУ, македонскиот јазик станува еден од јазиците на Унијата
Премиерот Димитар Ковачевски пред почетокот на првата меѓувладина конференција во Брисел меѓу Македонија и ЕУ изрази задоволство што после 17 години чекање земјава ќе ги започне преговорите.
Препорачано
– Огромно е задоволството што после 17 години чекање денес конечно ги започнвуваме преговорите. Отвараме нови перспективи за државата и граѓаните, и полека но сигурно се приклучуваме кон големото европско семејство, што е наша приоритетна стратешка цел децении наназад. Европскиот предлог кој го добивме, преку широк консултатитевен процес го препознаваме како најдобро можно решение, кое од повеќе аспекти ги почитува и задржува црвените линии, а во исто време дава конечно почеток на преговорите – изјави премиерот Ковачевски.
Тој додаде дека со францускиот предлог се прецизира македонскиот јазик без никакви дополнувања, дообјаснувања и додавки. Со тоа според Ковачевски се отвара вратата за нашиот македонски јазик да стане еден од официјалните јазици на ЕУ.
Ковачевски додаде дека местото на Македонија е во ЕУ, и таа досега многу пати докажала дека е партнер од доверба за ЕУ, и за земјите членки, и така ќе продолжи да работи и во иднина.
