Македонската фудбалска А репрезентација е во Анталија, Турција, каде што ќе одигра два пријателски натпревари против Молдавија и Црна Гора.

На 22 март од 15.30 часот избраниците на селекторот Благоја Милевски ќе тестираат против Молдавците, а на 25 март од 18.00 часот против Црногорците.

Меѓу повиканите за овие два меча фудбалерот од средниотт и член на полскиот клуб Пјаст Гливице, Тихомир Костадинов кој ја споделува атмосферата во репрезентацијата и очекувањата за претстојните контролни дуели:

– Супер е да се видат сите овие момци, стручниот штаб, физиотеравти, доктори, и што сме пак заедно, да се подготвуваме за тоа што ни следи. Ќе имаме четири пријателски натпревари, добро да се подготвиме за тоа што ни следува во септември. Во последните неколку мечеви добив најголема минутажа до сега. Од прикажаното, индивидуално, јас сум задоволен, тоа треба да го покажеме тука, не е важно кој колкава минутажа има во своите клубови, најважно е да го дадеме максимумот на овие два натпревари. Да бидеме подготвени на тактички план, за предизвиците, да го дадеме максимумот како и секогаш и да оствариме добри резултати.

Молдавија е репрезентација која не треба да се потцени, во претходните квалификации за ЕП 2024 дома ја победи Полска, па ремизираше на гости. За Црна Гора исто така не треба да се трошат зборови, треба да се погледне составот со какви играчи располага. Но, тоа за нас не е важно, најважни сме ние, како ние ќе изгледаме на теренот и како ќе одговориме на задачите на селекторот, тоа е клучот за успехот – вели Костадинов.

Потсетување дека покрај пријателските натпревари со Молдавија и Црна Гора, нашите најдобри фудбалери, во јуни ќе имаат уште два контролни мечеви против Хрватска во Риека и Чешка во Прага пред стартот на новото издание на Лигата на нации во септември кога во првото коло гостуваат кај Фарски Острови.

Миовски: Одлично е чувството кога повторно сме заедно во репрезентацијата