Европската радиодифузна унија (ЕБУ) не дозволува Косово да се натпреварува на Евровизија во Швајцарија следната година, соопштено е на официјалниот профил на Евровизија Косово.
Тие тврдат дека косовскиот национален радиодифузен сервис РТК не добил покана од ЕБУ за учество на овој натпревар од политички причини.

The EBU is applying double standards. For #Kosovo , they are demanding full membership in the EBU before allowing participation in #Eurovision . However, they are not accepting ??for political reasons, even though RTK meets all the necessary requirements. #Stopdiscrimination pic.twitter.com/zHYRWgMblX

— Eurovision Kosovo (@ESCKOSOVO) August 7, 2024

„ЕБУ применува двојни стандарди. Тие бараат Косово да има полноправно членство во ЕБУ пред да му дозволат да се натпреварува на Евровизија. Сепак, тие не го прифаќаат Косово од политички причини, иако РТК ги исполнува сите потребни услови. Стоп за дискриминацијата“, напишаа тие.

ЕБУ сè уште не објави официјално соопштение за ова. Косово прогласи независност од Србија во 2008 година. Владата на Србија дипломатски не го признава Косово како суверена држава. Косово е признато од 114 земји членки на ОН.
За да стане дел од ЕБУ, Косово мора да се приклучи на Меѓународната унија за телекомуникации (ИТУ) или на Советот на Европа. Сè уште не ги исполнува овие услови.

Како што е познато, Евросонгот следната година ќе се одржи во Швајцарија. Градот сѐ уште не е објавен, а во игра се Базел и Женева. Оваа информација ќе биде позната на 30 август.