Македонската фудбалска репрезентација до 15 години запиша нова победа против Косово, овојпат на домашен терен, на Тренинг центарот „Петар Милошевски“ во Скопје.

Младите фудбалери на селекторот Горан Станковски одиграа убедливо и славеа со 4-1, покажувајќи ја својата надмоќ во вториот меѓусебен дуел со косовските врсници. Двоен стрелец за Македонија беше Алиу, додека по еден гол запишаа Аврамовски и Јанчевски.

Со оваа победа, младата селекција само го потврди триумфот од првиот натпревар, одигран во Приштина, каде што славеше со минимални 1-0.

Преземено од: Спорт.ком.мк