По кошаркарите на Јута џез, Руди Гобер и на Донован Мичел, во НБА е регистриран трет случај на заболен од коронавирус.

Станува збор за центарот на Детроит пистонс, Кристијан Вуд, кој минатата сабота играше против Јута и Гобер кој е првиот кошаркар во НБА што е позитивен на  коронавирус.

На тој натпревар, Вуд во директен дуел со Гобер постигна 30 поени и имаше 11 скокови, а медиумите во САД се сомневаат дека токму на тој натпревар, центарот на Детроит се заразил со коронавирус.