Кошаркарската репрезентација на Македонија од шестиот шешир ќе ги чека противниците во квалификациите за Европското првенство во 2021 година. Покрај Македонија, во шестиот шешир се наоѓаат уште и Унгарија, БиХ и Холандија.

Според пропозициите, во квалификациите ќе има осум групи со по четири селекции, а стартот на квалификациите ќе биде во февруари идната година.

Првите три репрезентации од секоја група, ќе се квалификуваат на Евробаскет 2021. Од групите каде ќе бидат сместени организаторите ќе се пласираат две репрезентации. Ждребот на кој Македонија ќе ги дознае противниците ќе се одржи во понеделник во Минхен.