Комплетирана е листата на национални кошаркарски репрезентации кои годинава ќе играат претквалификации за пласман во квалификацискиот циклус за учество на следното Светско првенство во 2027 година.

Тука е и најдобрата македонска репрезентација која не успеа преку главните квалификации да обезбеди пласман на следниот Евробаскет 2025.

Нашите најдобри кошаркари ќе го завршат овој квалификациски циклус на домашен терен против Полска.

Можни ривали на Македонија во претквалификациите за СП 2027 се Австрија, Норвешка, Романија, Швајцарија, Бугарија, Хрватска, Данска, Унгарија, Холандија, Словачка и Украина.

Претквалификациските мечеви ќе се играат во периодот од 2 до 20 август 2025 година. Ќе се формираат четири групи со по три репрезентации, а првопласираните две од секоја група ќе одат во наредната фаза.