Кошаркарите на Сакраменто кингс, Бади Хилд, Џабари Паркер и Алекс Лен се позитивни на коронавирус и тие се чувствуваат добро и немаат посериозни симптоми.

– Пред неколку дена имав позитивен тест на ковид-19 и веднаш се самоизолирав во Чикаго каде се наоѓам во моментов. Се опоравувам и се чувствувам добро. Едвај чекам да одам во Орландо и да им се приклучам на соиграчите – изјави Паркер.

– Благодарение на тимот и на прооколот кој е воспоставен успеавме да го откриеме овој вирус во рана фаза – рече центарот на „кралевите“, Алекс Лен.

Вчера пак, позитивен на коронавирус беше и кошаркарот на Индијана Пејсерс, Малком Брогдон, а пред два дена откриено е дека и Никола Јокиќ е позитивен на ковид-19.