Коронавирусот се шири во НБА, заразени кошаркари на Лејкерс, Филаделфија и Бостон
Во последните 24 часа во НБА лигата се регистрирани нови шест позитивни случаи на коронавирус.
Тројца кошаркари на ФИладелфија, двајца на ЛА Лејкерс и Маркус Смарт од Бостон селтикс се новите кошаркари кои се позитивни на Ковид-19.
Препорачано
Од тимот на ЛА Лејкерс не сакаа да ги објавата имињата на двајцата кошаркари кои се позитивни на коровирусот.
Целиот тим на Лејкерс неделава беше ставен во карантин откако се дозна дека четворица кошаркари на Бруклин, меѓу кои и Кевин Дурант, се заразени од коронавирус. Токму Бруклин и Лејкерс играа меѓу себе во последниот натпревар пред челниците на НБА да ја суспендираат лигата.
И во Фидалелфија сиксерс не сакаа да ги објават имињата на заразените кошаркари, туку само открија дека станува збор за тројца нивни играчи.
– Филаделфија севентисиксерс во консултација со медицинските експерти во НБА направи тестови на КОВИД-19. Тестовите беа обезбедени во приватна режија и се покажа дека три лица се позитивни и тие ќе бидат во самоилозација – објави клубот.
Sixers statement pic.twitter.com/wgLHGZ1Cxk
— Adrian Wojnarowski (@wojespn) March 19, 2020
Позитивен на коронавирусот е и бекот на најтрофејниот НБА тим Бостон селтикс, Маркус Смарт.
„Тестиран сум пред пет дена и резултатите беа позитвни по што се наоѓам во самоизолација. Мораме да сериозно да го сфатиме овој вирус, тој е приоритет број 1 за медицинските експерти и мораме да набавиме што повеќе тестови – објави Смарт.
