Периодот од 7 до 21 септември 2025 година отвора еден од најмоќните астролошки портали во годината – коридорот на  еклипси. Овој временски распон претставува точка на кармички пресврт, кога старите патишта се рушат, а нови се создаваат. За пет хороскопски знаци, овие денови ќе бидат вистинска пресвртница, време на забрзано созревање и промени што не можат да се избегнат, пишува „Атма“.

Еклипсите никогаш не прашуваат дали сме подготвени – тие нè ставаат пред ситуации што нè туркаат да растеме. Ова е период за затворање поглавја кои одамна требало да останат зад нас и за отворање на нови, полесни патишта.

За да се искористи енергијата на коридорот, астролозите советуваат: останете смирени, не носете драстични одлуки два дена пред и два дена по секоја еклипса, и посветете се на интроспекција. Наместо нагли потези, запишете ги своите цели и желби – јасната визија сега има моќ да ја привлече иднината што ја посакувате.

Ова се петте знаци што најсилно ќе ја почувствуваат енергијата.

Овен

Пред Овните се отвора ново поглавје во љубовните и меѓучовечките односи. Врските што биле неискрени или еднострани ќе се распаднат, но тоа е пат кон луѓе кои ќе знаат да ве сакаат вистински. Ова е период на искрени разговори и големи откритија.

Рак

Раковите ќе се соочат со клучни прашања во областа на работата и личното остварување. Еклипсите ќе ги натераат да одлучат: останување во старото со промени или целосен пресврт и нов почеток. Храброста ќе биде наградена.

Лав

Финансиските прашања ќе излезат на површина. Можно е да има изненадни добивки или загуби, но целта не е парите сами по себе, туку лекцијата за тоа што навистина вреди. Еклипсите ќе ги потсетат Лавовите дека вистинската сигурност доаѓа однатре.

Скорпија

Кај Скорпиите ќе се разнишаат личните односи. Ќе излезат на виделина тајни и скриени вистини. За некои ова ќе значи крај на токсични врски, а за други можност за длабока преобразба и нова искреност. Секој крај носи и нов почеток.

Водолија

Водолиите ќе доживеат пресврт во начинот на размислување. Ќе отпаднат стари уверувања и ќе се отворат нови хоризонти, нови учители и пријатели. Ова е момент кога нивната животна филозофија се обликува повторно.