
Кореографката Искра Шукарова престојува на уметничка резиденција во Њујорк
Уметничката резиденција на кореографката проф. д-р Искра Шукарова се одвива од 27 јули до 7 август, почна во Њујорк (САД), а продолжи во прекрасната природа во Вајлд Харт (Њујорк), каде се испитуваат теми поврзани со екологијата, движењето и природата.
Препорачано
Темите кои се обработуваат како дел од истражувачкиот процес допираат длабоко во суштината за тоа како се однесуваме и соработуваме со природата. Воедно проф. Шукарова ќе предава на студенти кои доаѓаат да ги споделат своите искуства и да научат нови пристапи во современиот танц. На крајот на престојот, на 4 и 5 август, во „Movement research“ во Њујорк, Шукарова ќе одржи предавање за современи танчери.
Резиденцијата е организирана од Петер Шишиоли, колега и асистент на Меридит Монк. Престојот на Шукарова е поддржан од мрежата „Global Practice Sharing“, како дел од „Movement Research NYC“ и фондот „Trust for Mutual Understanding“. Инаку, Шукарова е дел од две релевантни танцови мрежи од САД – IIAC и „Global practice network“.