Менаџерот на Тотенхем и поранешен селектор на Италија, Антонио Конте, не се сомнева во успех на „азурите“ во бараж натпреварите за пласман на Светското првенство во Катар.

Конте вели дека „азурите“ никако не смеат да ја потценат Македонија со која играат на 24 март во Палермо, и на теренот на „Ренцо Барбера“ стадионот да покажат зошто се актуелни европски шампиони.

– По освојувањето на европската титула, Италија има обврска да игра на Светското првенство во Катар. Немавме среќа на ждрепката и воопшто нема да биде лесно да се стигне до СП во Катар, но, ние сме Италија, ние сме европски шампиони и мислам дека сите знаат што треба да направат. Најсилни селекции кои се во баражот се Италија и Португалија, но мислам дека ќе направиме сѐ за да одиме на СП. И обврска е да одиме на Мундијалот, ќе мора тоа да го направиме – изјави Конте.