Фудбалерите на Тотенхем во првото коло во Лигата на шампионите го совладаа Олимпик Марсеј со 2:0, а двата гола ги постигна Ришарлисон.

Менаџерот на Тотенхем, Антонио Конте, одлучи да му даде шанса на Ришарлисон да биде дел од првиот тим и Бразилецот на дебито ви елитното натпреварување ги постигна двата гола.

– Пред се, среќен сум поради Ричарлисон, заслужи да има ваква ноќ. Добро се сеќавам кога дојде во Тотенхем и рече дека едвај чека да ја слушне химната на Лигата на шампионите. Не кажа многу, но тоа беа важни зборови за мене – изјави Конте.

По победничкиот старт во ЛШ, Конте и неговите фудбалери в сабота ги очекува најголемиот предизвик досега во сезоната, дерби пресметката со актуелниот шампион во Премиер лигата, Манчестер сити.

– Малку сум загрижен што играме со Манчестер Сити само два дена по натпреварот во ЛШ и нема да биде лесно затоа што фудбалерите треба да се одморат и опорават од последниот натпревар. Сега треба да донесам тешки одлуки пред дуелот со Манчестер сити. Но, им верувам на моите играчи, секако дека ќе има и некои ротации бидејќи не е возможно да играат три тешки натпревари за една седмица. Тоа би било невозможно, а мечот со Сити нема да биде лесен – смета Конте.