Конститутивната седница на косовското Собрание не е завршена бидејќи не е избран потпретседател од српската заедница, соопшти Уставниот суд во Приштина, наложувајќи избор во рок од 12 дена, пренесува Данас.

Уставниот суд во Приштина одлучи дека мора да се изберат сите петмина потпретседатели на Собранието, вклучувајќи и претставник на српската заедница.

Во образложението за одлуката, судот се повикува на одредбите од членовите 1 и 4 од Уставот, кои предвидуваат дека двајца потпретседатели од заедниците што не се мнозинство се избираат истовремено, во рамките на едно гласање.

На пратениците им беше наредено да „ги извршуваат своите функции во согласност со Уставот на Косово“ и да изберат заменик-претседател на собранието од српската заедница.