На платото пред Спомен-куќата „Тодор Проески“ во Крушево, в четврток од 19 часот, ќе се одржи концерт во чест на Тоше Проески, со домашни и регионални поп-пејачи.

Тоше последниот концерт го одржа на 5 октомври, во 2007 година, на Градскиот стадион во Скопје, а неполни две недели потоа, на 16 октомври, загина во сообраќајна несреќа во Хрватска.

На концертот, најголемите хитови на македонскиот славеј ќе ги пеат Александра Јанева, Димитар Андоновски, Славица Ангелова, Мите Стоилков, Александра Трајческа, Никола Зацески, Зоран Илиев, „Инвиктус бенд“, српската група „Фрајле“, а од Црна Гора гостува пејчот Бојан Маровиќ, кој беше добар пријател со Тоше.