Колумбискиот претседател Густаво Петро синоќа објави дека последниот брод бомбардиран од американските сили на Карибите бил колумбиски, а неговите патници биле колумбиски државјани, објави Ројтерс.

„Се појавува ново воено сценарио: Карибите. Нападот се извршува против цела Латинска Америка и Карибите“, напиша тој во објава на платформата Икс.

El senador Adam Shiff está en lo correcto.

Ahora me encuentro en una reunión con los gobiernos Europeos y diré lo mismo.

Se ha abierto un nuevo escenario de guerra: el Caribe.

Indicios muestran que la última lancha bombardeada era colombiana con ciudadanos colombianos en su… https://t.co/CozMUBklxE

— Gustavo Petro (@petrogustavo) October 8, 2025

Белата куќа не одговори веднаш на барањето за коментар.

Петро, ​​кој е во Белгија на разговори со европските лидери, одговараше на објавата на американскиот сенатор Адам Шиф, кој рече дека тој и Тим Кејн ќе гласаат за блокирање на нападите врз бродови во Карибите.

Најмалку четири брода беа погодени во последните недели, при што загинаа 21 лице. САД велат дека бродовите превезувале дрога.