Веста за смртта на 83-годишниот италијански дизајнер Роберто Кавали го растажи модниот свет и неговите обожаватели, особено неговите најблиски, меѓу кои и неговата партнерка Сандра Нилсон, со која минатата година доби син.

Роберто во последнава деценија беше во среќна врска со 45 години помладата Сандра, иако поради огромната разлика во години многумина веднаш им предвидуваа брз крај.

Но, нивната љубов ги победи гласините и тие останаа партнери во среќна врска, а во март минатата година нивната љубов беше крунисана со син.

„Сандра е добро. Детето е родено минатата недела во Фиренца. Тој е здрав и убав. Ме обземаа емоции кога го видов. Му го дадовме името Џорџо, по татко ми кој беше убиен од нацистите кога имав само четири години“, изјави Роберто за списанието „Новели 2000“ во март.

Роберто беше во врска со Сандра по неговиот развод во 2010 година, а неколку години подоцна наводно ѝ купил приватен остров во Шведска, вреден 2,2 милиони фунти. Има луксузна вила со четири соби, ловечка куќа, базен, терен за голф и остатоци од стара викиншка тврдина.

Двојката беше разделена во ретки моменти, а иако многумина се сомневаа дека нивната врска ќе трае, тие ги убедија сите во спротивното. Сандра го шармираше Роберт, кој секојдневно ја опсипуваше со скапи подароци и ја носеше на луксузни патувања.

Роберто беше најпознат по својата истоимена модна куќа и бренд познат по животинските принтови. Неговите креации во 70-тите за првпат ги обожаваа и носеа актерки како Софија Лорен и Брижит Бардо, а со текот на годините го засакаа и други светски ѕвезди како Џенифер Лопез, Ким Кардашијан, Ријана, Бела Хадид и други.

Неговите пријатели, колег и и обожаватели се збогуваат со модниот дизајнер на социјалните мрежи, жалејќи за неговото заминување.

Почина легендарниот моден креатор, крал на животинските принтови – Роберто Кавали