Која е Каи Трамп? Омилената внука на Доналд Трамп тргна по неговите стапки
Каи Медисон Трамп (18), е најстарата внука на американскиот претседател Доналд Трамп (79) и е сè повеќе во центарот на вниманието на јавноста. Откако се истакна како талентиран играч на голф и обезбеди место на Универзитетот во Мајами, младата наследничка сега зачекори и во претприемачките води со лансирање на сопствена модна линија.
Препорачано
На официјалната веб-страница на брендот, таа претстави колекција џемпери со минималистичко лого од испреплетени букви „Т“ и „К“, од кои секоја има личен печат – нејзиниот потпис е извезен на ракавот и на задната страна од јаката, а рекламната кампања ја сними во дворот на Белата куќа. Колекцијата за жени и мажи е достапна во три бои – бела, темно сина и црна, а цената е 111 евра.
Каи не остави ништо на случајноста и ја претстави линијата во придружба на нејзиниот дедо Доналд Трамп, со кого прошета пред Белата куќа пред заедно да се качат на хеликоптер и да заминат на популарниот голф турнир „Рајдер куп 2025“ во Њујорк.
View this post on Instagram
Страста за голф ја наследила од нејзиниот дедо, како и од татко ѝ, Доналд Трамп помладиот, и е неописливо среќна што ќе може да го игра за време на студиите. Имено, во март објави дека е примена на Универзитетот во Мајами, каде што ќе игра за женскиот голф тим почнувајќи од есен.
„Премногу сум возбудена. Благодарност до мама, тато, дедо и целиот тим што веруваа во мене. Со нетрпение очекувам да го претставувам Мајами“, напиша таа на Инстаграм кога ја сподели среќната вест.
Каи е родена во 2007 година во Њујорк, како прво дете на Доналд Трамп Јуниор и неговата тогашна сопруга Ванеса. Заедно со неа, двојката има уште четири деца – Доналд Трети (16), Тристан и Спенсер (12) и Клое (10). Како најстара внука, Каи стана најблиска до дедото Доналд, со кого дели голема љубов и страст кон голфот. Уште како девојче, таа го придружуваше на турнири и семејни собири во Националниот голф клуб Трамп, а со текот на годините, и самата почна сериозно да тренира, пишуваат странските медиуми.
Каи се школувала во приватни училишта во Њујорк, активна е на социјалните мрежи, но внимателно избира што споделува со своите следбеници. За разлика од некои други членови на семејството, таа ретко дава изјави, а кога го прави тоа, тие обично се поврзани со спортот или нејзините планови за иднината.
Таа е многу поврзана и блиска со нејзината баба по мајка, Марија Мејплс, која во семејството со љубов ја нарекуваат Мормор и на која јавно ѝ се заблагодарила за нејзината безрезервна поддршка, особено во врска со нејзината кариера како голферка, бидејќи никогаш не престанала да верува во неа.
Иако Каи отсега ќе се занимава со мода, ќе остане верна на спортот што всушност го дефинираше нејзиниот тинејџерски живот. Нејзините тренинзи и настапи веќе го привлекоа вниманието на американските спортски медиуми, а експертите предвидуваат дека наскоро би можела да се натпреварува со професионалните голфери.
View this post on Instagram
