Шпанскиот тенисер Рафаел Надал минатата година ја заврши кариерата на Дејвис купот во Малага и со 22 грен слем титули е втор најтрофеен тенисер на сите времиња.

„Кралот на земјата“ назадуваше во трката на „најдобар тенисер на сите времиња“, додека Рожер Федерер претходно ја заврши кариерата.

Единствениот кој остана и натаму активен терените од големото тениско трио е Новак Ѓоковиќ, кој има подобар меѓусебен скор против двата свои големи ривали.

Шпанецот беше гостин на 77-та годишна гала Мундо Депортиво, каде што беше награден. Попатно го прашаа кој му беше најтешкиот противник во кариерата.

– Би рекол Новак Ѓоковиќ и Рожер Федерер, тешко е да се бира. Мојата кариера е поврзана со двајцата, тројцата се натпреварувавме да бидеме подобри. Точно е дека си земавме нешто еден на друг, но фер е да се каже дека ниту еден од нас, без другите двајца, немаше да ги постигне бројките што ги постигнавме.

На некој начин се натпреварувавме до крај во секоја смисла. Физички доста исцрпени, но од перспектива на тенисот и менталната цврстина нѐ однесе на повисоко ниво и затоа имавме толку долга кариера – рече Надал.