Поранешниот капитен на Манчестер јунајтед и сегашен стручен консултант на „Скај Спортс“, Гари Невил, денеска изјави дека Ливерпул е најголемиот англиски фудбалски клуб.

Изненадувачки зборови од некој што е сакан во Манчестер и кој е една од легендите од ерата на Алекс Фергусон.

Ливерпул ќе ја освои титулата во Премиер лигата доколку пред своите навивачи не загуби против Тотенхем.

– Ливерпул има повеќе европски трофеи и денес ќе се израмни со 20-те титули на Јунајтед. Дебатата е завршена. Успехот на Ливерпул треба да предизвика болка во срцето – рече Невил.

Натпреварот помеѓу Ливерпул и Тотенхем на Енфилд започнува од 17.30 часот.