Кој е газдата на Тотенхем: Милијардер кого не го интересира фудбалот и живее на јахта
Во финишот на летниот преоден рок една од ѕвездите се очекува да биде Хари Кејн, најдобриот играч на Тотенхем и еден од најдобрите во Премиер лигата за кого сериозен интерес пројавува Манчестер сити.
Препорачано
„Граѓаните“ се во потрага по нов елитен напаѓач и изборот падна на Хари Кејн кој нема ништо против да се пресели на „Етихад“ стадионот, но проблем претставува претседателот на Тотенхем, Даниел Леви кој не попушта и бара да му исплатат најмалку 180 милиони евра за трансферот.
Леви бара најмалку 180 милиони евра за да му дозволи на Кејн да си замине, со што ги натера медиумите да се запрашаат зошто во време на финансиска криза предизвикана од пандемијата на коронавирусот ја одби првата понуда од 117 милиони евра.
Причината лежи и во сопственикот на Тотенхем, Џо Луис, иако многумина сметаат дека токму Леви е сопственик и е главна и одговорна личност за се во клубот вклучувајќи ги и трансферите.
Но, вистинскиот сопственик живее далеку од Лондон и од ултрамодерниот стадион и интересно е што воопшто не е љубител на фудбалот, односно Хари Кејн и останатите играчи речиси и да не го интересираат. Тој доаѓа на стадион само кога е неопходно и ретко се појавува во јавноста.
Џо Луис е сопственик на 70.6% од акциите на ЕНИГ (Англиска национална инвестициска компанија) која е сопственик на Тотенхем, додека Даниел Леви поседува 29.4% од акциите на ЕНИГ.
View this post on Instagram
Неговата животка приказна е интересна, за живот почна да заработува како келнер во едно од кафулињата во Источен Лондон, а на крајот стана најдобарт пријател со Тајгер Вудс кој се смета за најдобар голфер во историјата.
Луис исто така високо котира и на листата на Форбс на најбогатите луѓе на светот, неговото богатство се проценува на пет милијарди евра. Првите милиони ги заработи благодарение на успехот на забавните туристички места како што е „The Talk of the Town“ каде во 1960-тите години настапуваше Френк Синатра, а исто така се занимава и со туризам.
Еден од најголемите успеси го имаше на почетокот од 1990-тите години кога се обложи дека фунтата ќе го напушти европскиот монетарен систем. Тоа му овозможи преку ноќ да стане милијардер и тоа благодарејќи на инвеститорот Џорџ Сорос.
Со оглед на успехот кој му го донесе иовој потфат, Луис истото го направи и со мексиканскиот пезос и дополнително го зголеми своето богатство.
Потоа одлучи да се пресели на Бахамите кои се даночен рај. Луис на Бахамите живее на луксузна јахта чија вредност е проценета на 130 милиони евра.
View this post on Instagram
Јахтата е долга 98 метри, има капацитет за 16 лица и е целосно опремена со сите потребни работи, има џакузи, хелиодром, сала за вежбање….
Фудбалерите на Тотенхем само еднаш биле гости на Луис на јахтата, тоа се случи во 2013 година и сите биле пријатно изненадени кога виделе дека сопственикот е нормална личност.
